266
ARTISTES PARISIENS DU XVIe ET DU XVIF SIÈCLE.
558. — Marché passé entre Maurice Dubout, tapissier de la Trinité, et les marguilliers de la paroisse Saint-Merry pour l'exécution d'une tenture destinée à ladite église. — 2 septembre 1584.
Fuct present Morice Dubout, tapissier de haulte lisse, demourant dedans l'enclos de l'hospital de la Trinité de Paris, rue Sainct-Denis, lequel a confessé avoir faict marché et convenant, promis et promect à nobles personnes M" Jehan le Bourguignon, con­seiller et advocat du Boy en son Chastellet de Paris, Nicolas Clerselier, greffier des j u ge et consulz des marchans de ceste ville de Paris, et Jean Journet, marchant bourgeois de Paris, au nom et comme marguilliers eluz de Feuvre et fabricque Monsieur Saint-Mederic de Paris, à ce presens et stipullans pour icelle église, de faire et parfaire bien et duement au dire d'ouvriers tappissiers et autres gens à ce congnoissans, toutes et cha­cunes les pièces de tappisseries de haulte lisse qui luy seront baillées et commendées à faire par lesd, marguilliers, et selon les pa­trons qui luy en seront delivrez, sans aulcune chose diminuer ne changer; et par espécial de faire les visages et les carnositez suivent lesd, pourtraitz, sans aulcune peinture; et faire lad. tappisserie de la fine soiette qui luy sera fournye par iceulx marguilliers, et de ce qu'il aura affaire d'autres coulleurs que de celles qui luy seront fournies par lesd, marguilliers, sera tenu led. Morice les fournir aussy fyne et de pareille force et bonté que celle qui luy sera baillée par iceulx marguilliers; toutes lesquelles pièces de tappisseries sera tenu de rehaulser de
fine soye my partie ès endroicts qu'il con­viendra, soit aux rehaulsements des habitz, festons, feuillaiges et autres endroictz qu'il conviendra^ de soye blanc, bleu, vert et jaulne, mesme aux camaieulx les rehaulser tous de soye blanche et par toutes les pièces, ainsy et en aussy grande quantité que en la pièce de tappisserie de Nativité de Nostre-Seigneur, ja par luy faicte et delivrée; et les rehaulsemens qui sont rouges, aussy les rehausser de fine escarlate brune et soye rouge cramoisye, et rendre icelles pièces aussy bien faictes, et mieulx, s'il est possible, que est lad. pièce de la Nactivité.
Ce marché faict moienant et à la raison de douze escus soleil pour chascune aulne en carré, mesure de Paris, qui luy sera paiée au feur et ainsy qu'il fera lesd, ouvra­ges; à quoy faire sera tenu avecq ses gens de soy emploier continuellement, sans dis-continuacion, à deux ou trois mestiers, et saris que led. Dubout puisse travailler ne besongner pour aultruy en quelques autres ouvraiges de tappisseries que ce soit, sur peine de dix escuz qu'il a promis et sera tenu de paier pour le proffict d'icelle œuvre pour chacune fois qu'il sera trouvé beson-gnant pour aultruy en tappisserie, sinon que pour lad. église; et pourle regard des laines qui luy seront delivrez par lesd, marguilliers pourfaire lesd, ouvraiges, icelluy Dubout sera tenu en tenir compte et rabatre ausd, mar­guilliers la quantité de cinquante livres pour chacune pièce de tappisserie qu'il delivrera, à raison de trente cinq solz tournois pour chacune livre, l'une portant l'autre, y com­prins l'escarlate (1) qui yra au mesme prix de trente cinq solz tournois la livre, car ainsy
i1) M. J.-B. Weckeriin, dans une savante étude (Le drap - escarlate - au Moyen Age, essai sur l'étymologic et la signification du mol - escarlate -. Lyon, A. Rey, 1905, in-8 ), a démontré que ie mot écarlate désignait, au xv" et au xvi" siècle ; non une couleur, mais une qualité supérieure de laine; ainsi les teinturiers en écarlate teignaient des draps fins et non communs. Le mot écarlate semble bien ici désigner une laine d'une finesse ou d'une qualité supérieure, qu'on cède cependant au même prix que l'autre, ce qui viendrait à l'appui de l'explication de ce terme par M. Weckeriin.